Media Pembelajaran Bahasa Jawa, Materi Teks Deskripsi Rumah Adat Jawa
Kompetensi Dasar
- Menelaah Teks Deskriptif tentang Rumah Adat Jawa
- Menanggapi dan Menceritakan Kembali isi Teks Deskriptif tentang Rumah Adat Jawa.
 |
| Media Pembelajaran Bahasa Jawa, Materi Teks Deskripsi Rumah Adat Jawa |
1. Teras utawa Pendhapa
- Dumunung ing ngarep dhewe. Piguna utamane kanggo nampa tamu.
- Perangan iki tansah dibukak tanpa ana wates ruwangan.
- Iki aweh pralambang luhure pribadi Hawa kang tansah tinarbuka lan mentingake karukunan lan kekadangan.
- Nglambangake sipat rinaket ing antarane kang duwe oman karo tamu kang rawuh.
- Ruwangan iki digunakake kanggo ngrembug sawenehe prakara kang asipat kadonyan. Upamane : ngrembug babagan pagaweyan, bisnis, dagang, lan sapiturute.
2. Pringgitan
- Pringgitan kalebu papan umum/publik.
- Ing jaman biyen ruwangan iki digunakake kanggo nggelar wayang kulit utawa upacara Tradhisional liyane.
- Ringgit kang ateges Wayang.
- Ruwangan iki dibangun kanthi maksud nuduhake yen manungsa iku duwe kuwajiban nguri-uri lan ngrembakake seni lan budaya.
3. Dalem Agung
- Wujude persegi lan tinutup dening tembok ing patang sisine.
- Perangan iki minangka perangan kang paling penting lan baku ing wewangunan omah Tradhisional Jawa.
- Dalem Agung digunakake kanggo kulawarga, mula asipat luwih tinutup (Privasi).
- Ruwangan iki nuduhake lamun urusan kulawarga iku kudu dirembung kanthi bebarengan, lan wong liya ora kudu ngerti urusan pribadine kulawarga.
4. Krobongan / Senthong
- Ruwangan iki minangka ruwangan kang istimewa.
- Ing wiwitane piguna utama ruwangan iki sakliyane kanggo ngaso utawa turu kang duwe omah, uga kanggo nyimpen maneka wujud pusaka lan piranti liyane.
- Ruwangan iki dikantheni Kasur, dhipan, bantal lan guling.
- Ruwangan iki ateges nuduhake yen manungsa iku tansah eling marang Gusti kang paring kanugrahan.
5. Gandhok utawa Pawon
- Papane ana ing mburi dhewe.
- Pigunane kanggo masak lan kamar mandi.
- Ruwangan iki minangka ruwangan kang asipat pribadhi lan duwe nilai luhur.
- Nulad saka panganggone, mula dipapanake ana ing mburi, supaya wong liya ora ngerti nalika sing duwe omah reresik dhiri, lan dhahar.
- Bab iki nuduhake yen manungsa iku duwe sipat gemi, setiti lan ngati-ati, tegese ora bosor lan tansah njaga kapribadene kang siningit (tersembunyi).
Belum ada Komentar untuk "Media Pembelajaran Bahasa Jawa, Materi Teks Deskripsi Rumah Adat Jawa"
Posting Komentar